Martina conta...

E seguimos desfrutando da boa compañía dos axudantes/as de biblioteca. Hoxe temos a Martina que nos quere contar a "Bruxa regañadentes" que como di ela "é un conto que case todo o mundo leu pero que gusta moito".

Ata a semana!

VIDEOCHAMADA CON MARÍA CANOSA

 O pasado 12 de abril os nenos e nenas de 1º e 2º tiveron unha videochamada moi especial, a de María Canosa.

En semanas anteriores estivemos a ler o seu libro "Unha fábrica de bicos" o cal, nos gustou moito e nos deu pé a reflexionar tanto sobre os bicos como sobre a exteriorización das nosas emocións, algo que estamos a traballar moitísimo este ano dentro do noso proxecto documental integrado: EMOTICENTI.

Ademais disto, e como complemento á lectura do conto e a charla con María Canosa, realizamos os nosos "scrapbook" é dicir representamos a parte do conto que máis nos gustou, a portada, o que nos inspirou... en definitiva, cada quen o que quixo nunha cartolina e con materiais diversos con total liberdade.

Deixámosvos unha mostra das obras de arte que fixeron estes nenos e nenas. 

 

 

PARTICIPA NO NOSO "BOOKFACE"

Estimadas, nenas, nenos e familias!

A vindeira semana celebramos a "Semana do libro" e dado que este ano non podemos contar coa vosa compañía, queríamos propoñervos que sexades vós os e as protagonistas das cubertas dos libros!

Escollede un libro que teñades na casa, e recreade a súa cuberta co que se vos ocorra (materiais de refugallo, disfraces, maquillaxe, complementos...) intentando representala o máis semellante posible. 

Deixámosvos aquí dous exemplos dunhas profes de conto!

Teriades que enviar unha foto da portada do libro orixinal e outra foto coa portada recreada antes do día 19 de abril ao correo electrónico: bibliocenti@gmail.com. 

Animádevos a participar!

EDUCACIÓN INFANTIL DECORA A BIBLIOTECA

 

Como renovamos a biblioteca o equipo de educación infantil quixo poñer o seu grao de area con este cadro de arte sobre texturas realizado por todo o alumnado  no proxecto común do segundo trimestre QUE TOCAS? TEXTURAS. Queremos así que desfrutedes del cando a visitedes.

Quedou unha combinación moi harmoniosa.Gústanos!  GÚSTAVOS?

EMOTICENTI EDUCACIÓN INFANTIL: Os bicos na Arte !

 Os equipos en educación infantil estan nomeados nas mesas con fotos de pintoras, pintores e escultores  relacionados cos bicos dentro do noso PDI de Benestar . Así temos "O bico de Picasso", " O bico de Rodín", " O bico de Klim" e " O bico de Mary Cassat". Esto levounos a coñecer esas obras e con algunhas fixemos un análise das mesmas ,con outras reproducións e ata unha recreacción nos tempos Covid.

RECOMENDACIÓN LECTORA EDUCACIÓN INFANTIL

 Aroa Calvo preséntavos "EL  MONSTRUO DE COLORES " unha suxerencia lectora chulísima. Escoitadea e de paso  daravos moita gracia do ben que o fai. 

Grazas Aroa 

RECOMENDACIÓN LECTORA : 5º EDUCACIÓN INFANTIL.

 Andrea da aula de 5º de infantil  quere recomendarvos "Fábulas de Esposo"porque ademáis de que lle gusta moitísimo para ler tamén é un puzzle. Graciñas Andrea.

EMOCIONARTE EN 1º E 2º DE EDUCACIÓN PRIMARIA

 Ao longo deste 2º trimestre en 1º e en 2º de Educación Primaria, e relacionado co noso PDI "Emoticenti" estivemos a traballar as emocións e a arte.

Para desenvolver esta actividade partimos sempre dun cadro introdutorio do pintor ou pintora a estudiar, a partir dos mesmos fixemos unha rutina de pensamento, coa que nos fomos familiarizando: vexo, penso e pregúntome. 

Logo coñecimos a súa biografía e isto, xunto coa rutina, nos levaron a reflexionar que moitos e moitas artistas nas súas obras manifestan os seus sentimentos, emocións e momento vital polo que están a pasar. 

Para rematar, por unha banda, fixemos a nosa propia versión dun cadro que nos chamou especialmente a atención. "El grito" de Munch, 

e por outra realizamos un taller de robótica que tivo por título " De cando o pincel e o lapis se enfurruñaron e non quixeron compartir cadro". A través do conto reflexionamos sobre as diferentes emocións, e despois, fomos quenes de elaborar un sinxelo robot empregando unha pila, cables, un motor, unha hélice e material de refugallo. 

Foi unha actividade ben entretida respectando todas as medidas de seguridade. 

VISITA A EXPOSICIÓN DE JULIA PITA E Á BIBLIOTECA MUNICIPAL DE FENE

Hoxe o alumnado de 2º ciclo fixo a súa primeira saída escolar seguindo todas as medidas do protocolo da COVID-19.

Primeiro visitamos a biblioteca municipal de Fene onde a  bibliotecaria lles explicou aos nenos e as nenas como funcionaba a biblioteca, mostroulles as instalacións, como se realizaban os empréstitos e  como estaban colocados os libros.

Despois tivemos a grande sorte de visitar a exposición de Julia Pita e de contar coa súa presenza. Contounos que comezara a pintar aos 55 anos, que pinta con óleo e que moitas veces busca inspiración en fotos que ve na internet. Julia estaba acompañada do seu profesor de pintura Jose Ángel,  co cal falamos de todos os materiais que se precisan para pintar: caballetes, pinturas, lienzo...  E destacou que unhas das cousas fundamentais para facer estas obras é a creatividade.

Para finalizar a saída fomos tomar a parva ao Parque do Paiaso onde desfrutamos moito do aire libre e do día fermoso que nos acompañou.

Deixámosvos unha mostra deste día.

SEMANA DA PRENSA

Ao longo da pasada semana traballamos no centro "A semana da Prensa", para isto realizamos diversas actividades, por unha banda entre todas as aulas elaboramos o noso propio xornal, queredes velo?

Premede na seguinte imaxe:

O mesmo, está constituido por diversas entrevistas a persoas da comunidade educativa: ANPA, alumnado, conserxe... e entre moitas preguntas que o alumnado lles realizou destacamos aquelas referidas aos cambios que supuxo no seu traballo a pandemia.

Ademais da creación do xornal conxunto, nas clases tamén traballamos con xornais reais, aprendemos os elementos da portada, falamos das diferentes seccións que tiñan... Incluso ollamos un en inglés!

Tamén elaboramos noticias partindo dalgún acontecemento importante da aula no que levamos de curso, a clase de 2º tivo moi clara a súa decisión, algo que lles está a encantar é a lectura conxunta do conto de Ledicia Costas " Os Minimortos. Benvido ao outro barrio". Foi un duro traballo de planificación, de escritura e de revisión! 

CELEBRAMOS O 8M

Ao longo desta semana estivemos a coñecer a figura de diferentes mulleres importantes nas 7 artes, os motivos? Moitos! Por unha banda celebrar o "Día Internacional da Muller" e visibilizar a súa labor en diferentes disciplinas e por outra relacionar esta conmemoración co noso Proxecto Documental Integrado, porque si algo estamos a reflexionar e aprender este ano é que en moitas das cancións, en moitas pinturas, e na arte en xeral, ponse de manifesto e plásmase aquilo que sinten as artistas! 

María Castro, Guadi Galego, Rosalía de Castro, Ledicia Costas, Elena Ferro, Sés... son algúns dos exemplos das mulleres elixidas.

Para darlle un formato diferente ao noso produto final eliximos forrar diferentes caixas e plasmar nelas diferentes datos biográficos das mulleres estudadas: nome, obras, lugar de nacemento, feitos reseñables da súa vida...

Ao final, coas aportacións dos diferentes cursos quedou unha obra de arquitectura ben chula!

Ollade!

RECOMENDACIÓN LECTORA EDUCACIÓN INFANTIL

 Nesta ocasión a recomendación  faina Eire, da aula de 4º de Educación Infantil.  Ensínanos o seu conto  favorito " CORRE, CORRE, CABACIÑA" e despois de lelo na aula o é para moitos máis.

 Grazas Eire

EMOTICENTI INFANTIL:En que momento do día naciches?

Despois do catálogo de bicos seguimos as investigacións no noso PDI de benestar físico ,social e emocional " En que momento do día naciches?.Preparamos primeiramente a recollida de datos para despois relizar gráficas horizontais e verticais  nas tres aulas de educación infantil  e  saber así en qué momento do día naceron. Se foi más ben pola mañá , á tarde ou xa pola noitiña. As gráficas son marabillosas porque lles permite ler datos con autonomía xa que é moi visual e sobre todo foi manipulativa con ábacos e pezas grandes .