Contamos no recreo

Hoxe retomamos a actividade que tanto nos gustaba de contacontos que realizaba o alumnado de 6º os xoves nos recreos.  Desta vez, tamén se animou o alumnado de 5º que xa se está preparando para o curso que vén.

Non poderán anunciar os contos por megafonía nin repartir as invitacións polas clases, pero si os poderemos ver e escoitar.

Hoxe acompáñanos Edgar que nos trae o conto de  "Iriña bailarina", conto escrito pola nosa mestra  Paloma Rodriguez a quen tanto queremos e botamos de menos, e por Cristina Justo.

Agardamos que vos guste e recordade que para o próximo xoves temos outra cita!

OQO Filmes Galego

Xa podedes desfrutar de varios filmes en galego que comparte con nós a editorial OQO.

 

Andel de contos

Como hai tempo que non podedes coller contos na biblio. A editorial Pintar-Pintar déixavos un estante cheo deles para que olledes ou leades os que queirades.

PENSAMENTO COMPUTACIONAL

Neste ano no que nos iniciamos en PLAMBE estamos a aprender de moitas bibliotecas con anos de experiencia na innovación. Unha delas é a biblioteca do CEIP Canosa-Rus da que collimos a súa idea de aproveitar esta cuarentena para repasar un pouquiño linguaxe computacional e programación en taboleiro. Aquí vos deixamos uns retos moi moi sinxeliños relacionados tamén co noso PDI: O camiño de Santiago. Agardamos que vos gusten!

FELIZ DÍA FAMILIAS!

Bo día familias, co gallo do "Día Internacional das Familias" non queríamos desaproveitar esta oportunidade de adicar unha pequena entradiña para vós. Primeiro de todo para agradecer que sexades os aliados perfectos nesta complicada tarefa de educar e tamén para ofrecervos unha proposta de actividade elaborada polo equipo de biblioteca para realizar estes días cos nenos e nenas na casa.
Facendo clic na imaxe teredes acceso á mesma.

Agardamos vos guste e vos sexa de utilidade. 

Que disfrutedes moito deste día!

BIBLIOTECA CREATIVA

Un dos nosos propósitos é converter a biblioteca nun espazo creativo onde os nenos e nenas poidan experimentar, investigar e descubrir tratando de fomentar deste xeito o traballo das competencias STEAM (Science, Technology, Engineering, Arts, and Maths). 
Por isto, queremos propoñervos unha serie de actividades para facer na casa e que teñen como finalidade o traballo de diferentes aspectos relacionados coa ciencia. As propostas están baseadas no traballo realizado polo equipo "Laboratorio STEAM na casa".
Facendo clic nas diferentes imaxes atoparedes a información necesaria e vídeos explicativos para poder realizar os experimentos.
Animádevos?
Se o facedes enviádenos unha foto ou un vídeo ao noso correo: bibliocenti@gmail.com
Apertas a todos e a todas.

SEMANA DAS LETRAS GALEGAS

Na nosa biblio non queremos pasar por alto esta semana tan importante, a das Letras Galegas, e por iso queremos deixarvos como recomendación de lectura "As pitas baixo a choiva" de Ricardo Carvalho Calero, autor ao que se se lle adica este ano a conmemoración
Se clicades na imaxe accederedes a lectura do libro publicado por Edicións Émbora.
Que gocedes coa lectura!

O papagaio

Boa tarde!
Como sei que vos gusta ollar o xornal, déixovos  o exemplar de  maio.
Agardo que vos guste!