CRÓNICAS DE CENTIEIRAS (Decembro)

 Aquí vos traemos unha nova edición  do noso programa de radio“Crónicas de Centieiras" coa participación das nenas e nenos de 5º de Educación Infantil e de 3º de Educación Primaria.

Esperamos que vos guste!

RECOMENDACIÓNS LECTORAS DE NADAL

Neste ano tan diferente, elaboramos as nosas recomendacións lectoras de Nadal en formato dixital, aquí as deixamos agardando que gocedes das lecturas.

DÍA DA DIVERSIDADE

O pasado día 3 de decembro foi o Día Internacional das Persoas con Discapacidade. Desde o cole fixemos diferentes actividades: traballamos as emocións con diferentes contos como por exemplo: "Por 4 esquinitas de nada", escoitamos e familiarizámonos coa lingua de signos bailando e imitando con Magín Blanco a súa canción de "Todos somos capitáns", elaboramos o noso nome en Braille, visualizamos diferentes curtametraxes e os e as maiores recibiron a visita especial de Jose, que lles contou o seu día a día...Foi un gran día de aprendizaxe! 

Dende Biblio Creativa tamén puxemos o noso graniño de area e elaboramos diversos paneis para traballar co escornabot. Por unha banda elaboramos uns paneis co alfabeto dactilolóxico nos que os nenos e nenas tiñan que mover o escornabot polas diferentes letras para formar o seu nome e por outra quixemos resaltar o papel de diferentes deportistas de élite con algunha discapacidade para visibilizar deste xeito que as discapacidades non supoñen unha barreira!

"No único no que somos iguais é en que somos diferentes!" Diferentes na forma de sentir, de comunicarnos, de ser, de pensar de estar...
Feliz día!

NOVEMBRO: MES DA CIENCIA EN GALEGO NAS BIBLIOTECAS

O mes de novembro é o Mes da Ciencia en Galego nas Bibliotecas, e en Biblio Centi levamos a cabo diversas actividades para celebralo.

Dende Biblio Creativa elaboramos uns paneis de escornabot con tarxetas informativas. A finalidade foi dar a coñecer científicas de diversos campos e coa información aprendida levar o escornabot dende a imaxe da científica ata o seu maior logro pasando polo seu nome. Levamos a cabo todas as medidas sanitarias e a actividade foi todo un éxito!

En 1º e 2º de Educación Primaria non quixemos desaproveitar esta oportunidade para traballar o texto instrutivo a través de diferentes experimentos científicos. Escribimos os experimentos a realizar paso a paso e despois levámolos á práctica!

EMOTICENTI INFANTIL: SEMANA DAS CHAVES

A semana pasada as nenas e nenos de infantil adicámola á SEMANA DAS CHAVES.

Empregamos as chaves  para traballar o PDI de centro, a partir do conto "Las llaves de los sueños".

Nela, grazas ás chaves que trouxeron das súas casas, poidemos realizar distintas actividades: estampación da pegada en plastilina, clasificacións atendendo a distintos criterios, busca das chaves perdidas na area, debuxo da súa silueta, asociación chave- sombra, construción de distintas figuras, desenvolvemento de disintas rutinas de pensamento a partir das Chaves de Pensamento,... 

Como actividade final cada nena e neno elaborou a súa propia chave dos soños. 

Con todas elas creamos unha bonita exposición no hall de infantil.

EMOTICENTI INFANTIL :QUEN CHE DEU O TEU PRIMEIRO BICO?

Quen che deu o teu primeiro bico? Con esta frase e todos os bicos que as nenas e nenos trouxeron da casa abrimos un novo capítulo no PDI “Emoticenti”. Máis ca nunca, nesta época na que o contacto e as mostras de afecto tiveron que limitarse a un choque de cóbados ou a un simple cruce de miradas queremos resaltar a súa importancia, pois os bicos son a expresión da alma, un acto universal co que expresamos os nosos sentimentos máis profundos.

DÍA DA DISCAPACIDADE EN INFANTIL

 Este xoves día 3 de decembro celebramos o día Da Discapacidade nas aulas e  estivemos vendo o vídeo do conto “Por cuatro esquinitas de nada”.Gustounos moito e visualizámolo varias veces. Con este conto falamos do que é ter dificultades e da forma na que podemos axudar para sentirnos todas e todos mellor e  ser capaces.Tamén interaccionaron cos escornabots e os taboleiros da linguaxe de signos, onde tiñan que moverse ao mesmo tempo que practicaban coas súas mans.

 O enlace do conto   https://www.youtube.com/watch?v=XmYstzKiZog

O equipo de educación infantil.

CONTACONTOS: MARA E NOA DE 6ºB CÓNTANNOS...

 

 Hoxe, 3 de decembro, é o Día Internacional das Persoas con Discapacidade. Por ese motivo, desde a biblioteca queremos recomendarvos unha serie de lecturas. Esperamos as desfrutedes!

XOVES DE BOOKTRAILER!

Lía e Antía hoxe nos recomendan...

PASO A PASO!

Premede no conto para ver a súa recomendación. 

CIENCIA EN GALEGO DAS BIBLIOTECAS EN INFANTIL

Este mes de novembro foi o mes da ciencia en galego das bibliotecas e chegaron  os escornabots ás aulas de infantil.Foron recibidos con moita expectación e interactuaron con distintos taboleiros, mulleres na ciencia,  emocións e protocolo Covid.Amosaron gran interés e curiosidade con esta actividade.Desexando voltar a xogar con eles.

PDI "EMOTICENTI":BOTELLA DA CALMA

En todas as aulas de infantil elaboramos as nosas botellas da calma para levar a casa seguindo as instrucións escritas polo alumnado de 1º e 2º de primaria.A maiores fixemos unha botella  para quedar en cada aula dentro da Cesta da Calma con outros elementos , colleranna cando a precisen para xestionar as emocións e así calmarse e relaxarse.É unha ferramenta que axuda ás nenas e nenos a xestionar as súas emocións dende a concentración, a respiración e o acompañamento emocional.

Foi divertido realizalas e causoulles moito interés.

«Dime y lo olvido, enséñame y lo recuerdo, involúcrame y lo aprendo«.Cita de Benjamin Franklin.

CIENCIA EN INFANTIL:EXPERIMENTOS

 Neste mes da ciencia realizamos varios  experimentos dentro da aula no ciclo de educación infantil. Xeraron curiosidade polo descoñecido e entusiasmo por ver e descubrir , o mellor de todo é a reflexión que promove e as conclusións que aportan.