Novembro foi o Mes da Ciencia nas Bibliotecas Escolares a para conmemoralo levamos a cabo diversas actividades.
Por unha banda, ao longo de todo o mes, tivemos unha exposición de recomencacións lectoras relacionadas con dita temática.
Aquí vos deixamos unhas fotos desta actividade.
Por último, proxectamos diferentes películas e cortos en relación a esta temática: "Descubriendo a los Robinsons" e "Wall-E" foron algunhas delas.
Como punto e final deste mes tan intenso, o luns 29 o alumnado de EI, 1º, 2º, E 3º, tivo unha visita moi especial, nada máis e nada menos que uns representantes do Comité de Investigación Marisqueiras sobre Sentidoloxía Corporal (CIMSC)!
Todo comezou o venres 26, cando unha sorpresa chegou a cada clase... unhas caixiñas misteriosas que nos propoñían o reto de colaborar co Comité de Investigación para facerlles chegar aos peixiños do mar coñecementos sobre os sentidos, xa que eles non podían sair á superficie!
Por suposto, os nosos nenos e nenas quixeron colaborar e así foi como o luns nos puxemos mans a obra.
O luns, organizáronse tres obradoiros adaptados por idades, un obradoiro sobre a vista, outro sobre o oído e o tacto e outro sobre o gusto e olfacto.
Para o obradoiro de oído tacto levamos a cabo propostas musicais con auga e froita utilizando o Makey-Makey.
Para o obradoiro do gusto o alfacto, realizarmos diversas actividades como "memoris" de olores ou a creación de fragancias.
Para o obradoiro da vista realizamos o noso propio circulo cromático, pintamos na escuridade...
O día 25 de novembro conmemoramos o Día Internacional Contra a Violencia de Xénero.
Ao longo da semana afondamos neste tema e realizamos diversas actividades.
Por unha banda, traballamos o conto de "Artur e Clementina" e elaboramos unhas chapas sobre el.
Por outra, realizamos diversas propostas da FANPA: escoitamos a "Fala por min" da FANPA de Ferrolterra e gravamos un flashmob representando dita cancion.
Ademais elaboramos tarxetas con mensaxes contra a violencia de xénero que posteriormente pegamos nunhas siluetas que formarán parte dunha exposición conxunta que se fará coa nosa creación e a de outros centros da zona que tamén realizaron a actividade.
O 25 de novembro o alumnado de 1º e de 4º de Educación Primaria visitamos os estudos de radio Fene para gravar o programa de radio do mes de novembro.
Fomos subindo e entrando en pequenos grupos a gravar mentres o resto agardaba fóra.
Os compañeiros de 4º contaron as actividades que realizamos no centro dende setembro ata novembro e os nenos e nenas de 1º, seguindo o lema de bibliotecas escolares deste curso "A biblioteca escolar ten a palabra" e tratando de potenciar a tradición oral e oralidade no alumnado, recitaron unhas adiviñas sobre Samaín que previamente aprenderon.
Queredes oir o programa? Premede aquí.
Este ano fixemos un "Concurso de logos" para ilustrar o material que se faga arredor do PDI deste ano: "Pingas científicas" E XA TEMOS GAÑADORA!
O debuxo escollido foi o realizado por Alicia Dopico Candal, de 5º de educación primaria. Ollade que ben quedaron as libretiñas!
O sábado, día 20 de novembro foi o DÍA INTERNACIONAL DOS DEREITOS DAS NENAS E NENOS.
Para a súa conmemoración no colexio realizamos un mural conxunto. Para iso cada curso encargouse de traballar un dereito; un dereito que logo reflectiu no mural con palabras e debuxos.
Ademáis do corpo humano, os órganos e os sentidos, tiñamos moito interese pola luz. Comezamos por diferenciar luz natural e luz artificial con fotos na nosa contorna e agora xa estamos moi inmersos. Mirade como facemos sombras, xogamos coas lanternas, simulamos os movementos da terra descubrindo o día e a noite , así coma a característica da luz de que se propaga en liña recta.
Isto é moi interesante ,seguiremos !
Este martes 16 de novembro o alumnado do 3º ciclo de E. Primaria tiveron unha charla- obradoiro sobre os avances tecnolóxicos na medicina. Guillermo, pai de Emma Moreira Moure e o seu compañeiro Antonio nos organizaron unha entretida e interesantísima charla. Temos que agradecerlles a dedicación, a paciencia e o ben que nolo explicaron todo.
.jpg)
.jpg)
As familias tamén queren participar no noso PDI de ciencia con aquelo que eles e elas coñecen. A familia de Martiño Maceiras e de Leo González troxeron uns robots para ver o seu funcionamento e un circuito eléctrico para diferenciar un pulsador dun interruptor. Non hai cousa que mais lles guste "que veña as súas familias".
Hoxe veu á aula de 4º EP Lorenzo, pai de Carmela e de Roque, e fixo un experimento con CO2.
Primeiro falounos dos usos e dos beneficios do CO2 (as plantas necesítano para realizar a fotosíntese, úsase en todos os refrescos que levan gas, na auga mineral con gas...), e tamén dos estragos que se poden producir cando facemos un mal uso (contaminación, cambio climático...).
Nunha caixa precintada traía xeo seco (para poder collelo e non queimar as mans tuvo que poñer unhas luvas, porque conxela a -78ºC); e nuns termos había auga moi quente... Botou a auga nun recipiente de cristal e a continuación o xeo seco, era impresionante escoitar como burbulleaba a auga en contacto con ese xeo seco!!!
O que pasou a continuación non volo imos contar, mirade as fotos e o descubriredes!!!
Grazas Lorenzo por vir á nosa aula, pasounos o tempo voando, non queriamos que marcharas!!!
O pasado venres 29 celebramos no centro a festa de "Samaín".
Podedes ollar na páxina web do centro os disfraces máis terrórificos que trouxeron os nenos e nenas premendo na seguinte imaxe.
A maiores de vir disfrazados e disfrazadas tivemos merendas terroríficas, concurso de relatos de terror e tamén lecturas a escuras!
A nosa biblioteca contribuiu a esta conmemoración através dunha exposición de recomendacións lectoras de medo.
O venres 22 de outubro conmemoramos no centro o " Día das bibliotecas escolares", para iso levamos a cabo diversas actividades.
Por unha banda, foi o día de saída das mochilas viaxeiras e como novidade deste ano incluimos un xogo educativo en cada unha delas!
Por outra, despois de dous anos de limpeza, actualización e renovación de fondos bibliográficos démoslle saída a todos eses contos descatalogados e como? Pois facendo un troco!
Cada neno e cada nena tiña que traer un alimento non perecedeiro e a cambio podería levar aqueles libros que máis lle gustaran. Todos os alimentos obtidos donáronse a unha entidade local que traballa con familias en situación de vulnerabilidade social.
Dende aquí queremos agradecer as familias pola súa implicación para que este tipo de actividades sexan posibles. GRAZAS!
