Recanto de Construcións

Grazas as familias de Tristán, Xantal e Daniela, quedounos un "Recanto de Construcións" do máis fermoso.

Moitas grazas, familias!

Vamos a Radio Fene!

Hoxe o alumnado de 3º de Educación Primaria experimentou de primeira man o intenso traballo que realiza un xornalista. Recolleron información, contrastárona e finalmente redactárona para emitila na radio do noso concello.

Os nosos xornalistas, ademais de contar todo o que fixemos neste primeiro trimestre, contáronnos o que cada curso está a traballar sobre o Camiño de Santiago...non volo perdades, pois é realmente interesante!

Agradecemos especialmente a colaboración de Xavier, sen él non podería ser posible!

Xoves de contos

Hoxe  Xavi, Xabi e David estreáronse como auténticos contacontos. Para esta estrea escolleron "A guerra dos números" de OQO Editora.

Día internacional das Persoas con Discapacidade

Hoxe, día 3 de decembro, conmemoramos o" Día Internacional das Persoas con Discapacidade"

Cada afillada/o estivo coa súa madriña/padriño lendo e descifrando unha palabra que estaba escrita en Braille, e despois, na biblioteca,  vimos unha presentación  "Z MEN, OS NOVOS SUPERHEROES". 

Para rematar a xornada, escoitamos todos xuntos/as a canción de "Extraordinarios" de Maldita Nerea. Deixámosvos  o video por se queredes volver a escoitala.

Xoves de contos

Como xa saberedes, todos os xoves as nenas e os nenos de 6º contan un conto durante o recreo na biblioteca para o alumnado que queira asistir. As propias contadoras escollen o conto que van ler, preparan a lectura e fan un debuxo anunciando o contacontos. Cando chega o día, anuncian o conto por megafonía ás 9 da mañá, para que todo o alumnado da escola o escoite e, a continuación, reparten un convite para cada clase.

Este xoves, foi o turno de Noa e Paula, que contaron Orellas de Bolboreta. A biblio estaba ateigada e elas fixérono de marabilla!

Obradoiro de igualdade

Hoxe veu Lidia a contarnos un conto moi fermoso sobre a igualdade e acabamos manchando todas e todos as mans de lila para facer un mural que deixaremos pendurado na biblioteca.

Comezamos cos amadriñamentos/apadriñamentos lectores

Esta semana tivemos a sorte de comezar a compartir momentos lectores cos afillados e afilladas. Os padriños e as madriñas foros buscar aos pequenos/as ás súas aulas e despois estiveron léndolles contos. Algúns estiveron na biblioteca , outros no recanto das familias e polos corredores.
Ollade que vén estiveron:

Día internacional contra a violencia ás mulleres

Aquí vos deixamos algunhas das nosas recomendacións para o 25N.

AMADRIÑAMENTOS LECTORES

Ao longo da semana semana pasada tivo lugar na nosa biblio un acontecemento moi importante: asinamos os contratos de amadriñamento lector! Como podedes ver na imaxe isto supón tanto un compromiso por parte dos pequenos e pequenas do centro como por parte dos maiores, compromiso á escoita, compromiso á atención... Asinar un contrato é algo moi serio!

Que faremos a partir de agora?
Agora que todos os nenos e nenas do centro teñen unha madriña ou un padriño lector, sempre de cursos superiores, xuntaranse unha vez á semana na hora de ler para que estes lles lean un conto. Tratamos deste xeito de favorecer o hábito lector así como favorecer a socialización entre o alumnado de diferentes niveis.

Xoves de contos

Hoxe estreáronse Aitor e Diego como contadores. Escolleron o libro "Manu"

 No recreo contaron o conto, o público estaba moi atento!!

Contamos no recreo

Hoxe foi o turno de Lara e Abril. Estiveron con nós no recreo para contarnos "Cocorico"

Fixérono xenia e o  público quedou encantado!!

Inauguración de Recanto de Construcións

Hoxe tivemos unha grande novidade na biblioteca, inauguramos o "Recanto de Contrucións". Xa podemos idear crear e disfrutar do novo material.

Contamos no recreo

Durante o recreo Marco e Rodrigo contaron "A cabra boba".

Fixérono moi ben!