Como xa saberedes, todos os xoves as nenas e os nenos de 6º contan un conto durante o recreo na biblioteca para o alumnado que queira asistir. As propias contadoras escollen o conto que van ler, preparan a lectura e fan un debuxo anunciando o contacontos. Cando chega o día, anuncian o conto por megafonía ás 9 da mañá, para que todo o alumnado da escola o escoite e, a continuación, reparten un convite para cada clase.
Este xoves, foi o turno de Noa e Paula, que contaron Orellas de Bolboreta. A biblio estaba ateigada e elas fixérono de marabilla!
No hay comentarios:
Publicar un comentario