Este mes de outubro está cargadiño de novidades e se hai algo ao que este ano lle queremos dar importancia é ás funcións das voluntarias e dos voluntarios lectores na dinamización e no fomento da lectura e é por iso, polo que unha vez á semana organizados por parellas os e as voluntarias acoden a diferentes clases -previamente asignadas- a ler un conto.
Ollade que escoita tan atenta teñen os e as máis pequenas!
Este inicio de curso foi moi emocionante pois os dous primeiros días levamos a cabo unha xincana científica que nos serviu de motivación para o noso proxecto anual: a ciencia!
Nela fixemos dende chapas científicas ata volcáns de realidade aumentada, pasando por retos de robótica -sobre diversas disciplinas científicas- e xogos matemáticos, sen esquecer, por suposto os experimentos!
Isto é solo a antesala de todo o que nos espera este curso.
Premede se queredes ver un pouquiño da nosa entretida mañá.
Xa está a piques de chegar o verán e con el as nosas propostas de lectura. Agardamos que vos gusten e que goceces con elas!
En relación directa co noso PDI sobre o benestar e as emocións, chegou estos días ao noso cole un enorme baúl cargado con máis de mil contos distribuídos en cinco títulos, cuxo contido trata sobre as relacións cariñosas entre as avoas e avós con principio de alzhéimer e os seus netos e netas.
O baúl do Alzhéimer pertente aos fondos da biblioteca municipal de Betanzos e grazas á amabilidade da súa concelleira de cultura, Ana Belén Veiga, podemos disfrutalos en Centieiras ata final de curso.
Os cinco títulos son:
- Tengo una abuela diferente,
- La vecina de Miguelito.
- El escarabajo del abuelo Joaquín,
- El último juego de manos y
- El hada del alzheimer.
Todos estos libros foron doados ao Concello de Betanzos a través da Obra Social da Fundación La Caixa. Están adaptados ás diferentes etapas lectoras e tratan cunha sensibilidade especial as dificultades que comezan ter os maiores e como as resolven as súas netas e netos con ese cariño único que hai entre ambos.
Xa chegando ao fin deste curso toca pechar o noso proxecto e non atopamos mellor forma de facelo que compartir todo o aprendido e o feito coas maiores e cos maiores da nosa contorna.
Lede atentamente.
Onte pola mañá o alumnado de 4º de educación primaria do Ceip Plurilingüe de Centieiras fixo a súa primeira visita ao Taller Ocupacional Aspaneps.
Un espazo que se atopa no propio concello de Fene e co cal sempre desfrutamos das actividades que compartimos: Ao longo de moitos anos coa actividade"Ponte no meu lugar", o ano pasado coa celebración conxunta do "Día da Paz" a través de diversos obradoiros e lecturas compartidas, e este ano coñecendo o seu fermoso traballo que están a desenvolver arredor dos resíduos orgánicos e todas as actividades de horta.
Hoxe os nenos e as nenas de 4º farán unha pequena avaliación do aprendido e será o alumnado de 3º que realice a visita.
Deixámosvos unha pequena mostra.
Ao longo do mes de abril, os alumnos e alumnas de Educación Infantil recibiron a visita dunha nova maleta viaxeira: a maleta creativa.
Esta trouxo moitos recursos novos, que foron todo un éxito. éxito para o tangram e pezas imantadas!
Gústannos estas maletas!
Nesta ocasión no PDI seguimos a traballar a afectividade e a necesidade de bicar ,aínda ca limitación que temos nestas datas.Entre todos os cursos de educación infantil preparamos a poesía "QUE RICOS OS BICOS" de Ce Orquestra Pantasma. Gravámola para todas e todos vós e aquí vos deixamos unha pequena mostra.Aconsellamos escoitalo completo no programa de radio do día 28 de maio, vaivos gustar!
Para celebrar o día das familias ,o 15 de maio , realizamos un Xardín Zen para aumentar e favorecer a serenidade interior e reducir o estrés a través da súa beleza e elegancia, mediante a meditación e a reflexión.
Seguiron as instrucións de poñer tres vasos de area lavada e colocar tres pedras de tamaño grande, mediana e pequena e xa estaba listo o xardín !
O seu uso era moi sinxelo, soamente tiñan que mover a area axudándose do rastrillo e creando diferentes camiños.
Recomendabamos que estivera colocado nun lugar visible ,de fácil acceso para as nenas e os nenos e así participar toda a familia.
LETRAS GALEGAS 2021
As letras galegas deste ano 2021 dedícanse a XELA ARIAS, poetisa e tradutora, nada na provincia de Lugo no ano 1962.
