Neste primeiro trimestre os nenos e nenas de 1º e 2º e dentro do noso proxecto documental integrado ”A maxia do xogo” que versa sobre o xogo afondamos nos xogos populares.
Para introducir a temática, na aula de 1º fixemos unha rutina de pensamento denominada: vexo, penso pregúntome, na cal, presentámoslle diversas imaxes ao alumnado sobre xogos populares e con isto coñecer as súas ideas previas.
Na aula de 2º iniciamos esta proposta a través dunha adaptación dun Pecha Kucha. Un pechakucha trátase dunha presentación composta por 20 diapositivas, a partir das cales debemos de falar sobre cada unha 20 segundos. Traballamos deste xeito tamén a expresión oral diante dun público.
Paralelamente a isto, aprendemos xogos de sortes tales como: "Paco repaco, camisa cagada foi á cociña comer a pescada, a pescada estaba fría e Paco de cagarría.” Agora xa son quenes de empregalas no seu tempo de lecer para rifar, e por último traballamos xogos de palabras: adiviñas e trabalinguas.
As aprendizaxes plasmámolas nun pequeno lapbook.
No hay comentarios:
Publicar un comentario