DÍA DAS ESCRITORAS

 Hoxe luns 16 de outubro conmemoramos o Dia das Escritoras. Esta data vense conmemorando desde outubro de 2016 para recuperar o legado das mulleres escritoras, facer visible o traballo das mulleres na literatura e combater a discriminación que sofreron ao longo da historia. 

Deixamos unha mostra do que fixemos:

En 1º e 2º de Educación Primaria limos sinopses e partes de diferentes contos infantís escritos por mulleres: "Corre corre cabaciña", "A casa da mosca chosca", "Fina a pirata" ou "Escarlatina a cociñeira defunta"...

A partir das lecturas, os nenos e nenas debían tratar adiviñar cal era a portada de dito conto e así tamén coñecer á autora. Unha vez feito isto, levaban o robot DOC ata ela.

 En 5º de primaria traballamos o poema de Gloria Fuertes "Poema al No" e fixeron un pequeno mural. 

Mirade o resultado!

 

GRUPOS INTERACTIVOS 3ºCICLO

 Este curso estreamos a proposta de grupos interactivos que no noso centro xa se viña facendo noutros ciclos. Desfrutamos dunha xornada de xogos de mesa en grupos formados por nenos e nenas de 5º e 6º e un familiar que voluntariamente se achegou ao centro a participar con nós nesta nova andaina. 

 

Temos que agradecer ás familias a súa disposición, paciencia e entrega nesta actividade. O resultado vese nas fotos e algunhas das primeiras impresións das familias xa as temos:

"Encantada de xogar con estes nenos e nenas de de APRENDER CON ELES". Lucía Souto.

"Encantado de xogar todos xuntos e pasar un ratiño tan divertido. Desexando volver! Diego Maceiras.

"Momentos bonitos e divertidos". Isabel Cortizas.

"Encantoume pasar este bo ratop con todos estes pequenos artistas. Ata a próxima! Silvia Delgado.

"Momentos bonitos e divertidos". Isabel Cortizas.

"Encantadas de vir e de que teñades iniciativas tan chulas que compartir. Grazas!. Paula de Santiago.

INICIAMOS O PDI

O pasado venres 6 de outubro inauguramos o noso proxecto documental integrado, que pretende traballae e concienciar sobre o coidado do medio ambiente.

Que fixemos para esta ocasión tan especial? Aproveitamos que ese día se levaba a cabo a XII Limpeza Simultánea de Praias organizada por ADEGA e aproveitamos para limpar a praia de San Valentín.

Puxémonos en marcha ás 10:30 e todas e todos xuntos fomos camiñando ata alí formando parellas de pequenos e pequenas e maiores.

Unha vez alí, expertas d asociación ADEGA faláronnos un pouquiño sobre aspectos básicos a ter en conta na praia e logo xa nos puxemos mans á obra. Traballamos moito e tamén desfrutamos un puquiño da area e dos compañeiros e compañeiras.

Ao final, clasificamos o lixo atopado e o que máis nos sorprendeu é que había un montón de pauiños de limpar os oídos! 

Aínda que a praia parecía moi limpa, logramos recoller 25 quilos de lixo.

Unha vez chegamos ao cole, fixemos a votación do nome do noso proxecto. 

As nenas e os nenos escolleron "PEGADAS VERDES".

Non vos esquezades deste nome porque seguro o oiredes moitas veces máis ao longo do curso.

3, 2, 1, arrancamos!

Grazas a ADEGA pola axuda e a predisposición e ao Concello de Fene polas luvas e a colaboración en toda a loxística. Dá gusto facer escola deste xeito.

CENTIFEST

O martes 30 de maio celebramos o Centifest 2023, unha mañá chea de aprendizaxe, risos e xogos, moitos xogos! Cada aula presentou os seus traballos de todo o curso e había unha morea de cousas: xadrez xigante, xogos de feira, xogos do mundo, xogos tradicionais, xogos electrónicos, xogos de mesa... unha marabilla! As familias viñeron ver o noso traballo e algunhas incluso montaron o seu propio tenderete, moitas grazas ♡ Para rematar, familias, nenos e nenas atrvéronse cunha repichoca na que escoitamos e bailamos. Conclusión: pasámolo en grande.

Aquí vos deixamos fotos e vídeo da xornada. Por moitas outras mais!

XOGOS DO MUNDO

 Un dos traballos que presentamos o alumnado de 1º e de 2º de Educación Primaria á nosa feira de xogo foi un mapamundi no que incorporamos códigos QR que nos dirixían a vídeos onde os nenos e nenas explicaban oralmente as instrucións de xogos de diferentes partes do mundo: África, América…

Para facer este traballo previamente fixemos unha búsqueda de información e tamén gravamos os vídeos no noso croma.

Ao final quedounos así

LECTURA E FAMILIAS: TEATRO E MOVEMENTO

 A semana pasada o alumnado de 6º de EI, de 1º, 2º e 3º de Primaria tivemos o pracer de gozar en familia dun obradoiro impartido por María Torres. Este obradoiro versaba sobre o teatro e o movemento, nel fixemos actividades de improvisación, de imitación… todo isto dentro dunha atmósfera lúdica.

Foi unha experiencia xenial! Grazas ás familias que puideron asistir por compartir este anaquiño do seu tempo con nós e por facer escola xuntas!

Para o vindeiro curso máis! 

RECOMENDACIÓNS LECTORAS DE VERÁN

Como queda pouco para a chegada do verán, deixámosvos as nosas propostas de lectura.

Agardamos que vos gusten!

CREAMOS O NOSO XOGO DO 3 EN RAIA

 O noso proxecto documental integrado deste curso tivo un dobre produto final, por unha banda, como xa sabedes, celebramos a II edición do Centifest no que amosamos todo o aprendido neste curso, por outra, o alumnado de 1º e 2º tamén fixemos os nosos propios tres en raia.

Primeiro de todo, cosimos unha bolsiña onde gardaríamos as pezas, despois, modelamos as pezas e pintámolas e por último marcamos na propia bolsiña o taboleiro de xogo.   

Cada neno e cada nena fixo o seu propio tres en raia mais tamén fixemos un a maiores para doar a aula hospitalaria.

DÍA DAS LETRAS GALEGAS

Este ano para conmemorar o "Día das Letras Galegas" e coñecer máis en profundidade a Francisco Fernández del Riego, levamos a cabo diversas actividades:

Por unha banda, realizando as propostas do Seminario Galán, a través de actividades interactivas e facendo lecturas de textos sobre o autor homenaxeado.

E por outra, a través da interpretación por parte de todo o alumnado da canción "A danza do biouteiro e  de bailes tradicionais para conmemorar este día: a "Muiñeira de Lugo" por parte alumnado de educación primaria, e a danza "Indo Eu"os nenos e nenas de educación infantil. 

Paralelamente a isto, e con toda a axuda das crianzas e das familias fixemos estos tres fermosos maios dos que deixamos mostra.

Grazas familias, por acompañarnos neste día tan especial!

OS XOGOS MATEMÁTICOS NAS AULAS DE 6º

 Este curso nas aulas de sexto, na materia de matemáticas e semanalmente adicamos un tempo aos xogos de mesa. Este tipo de xogos axudan dunha maneira lúdica ao desenvolvemento das capacidades non só motoras, senón tamén mentais e sensoriais. A concentración, a memoria, a observación tamén son traballados cando xogamos. Unha vez dentro do xogo intentamos resolver problemas, elaboramos estratexias e tomamos decisións para gañar unha partida. Practicamos lectura comprensiva para entender as instrucións dos xogos e cumprimos as normas do xogo para non quedar excluidos. A nivel social aprendemos a forxar vínculos cos demais e a compartir, negociar e resolver conflitos cumprindo sempre coas normas de convivencia.

Algúns dos xogos que descubrimos ou recordamos foron : asteriscos e frechas, timbiriche, pentominós, chinchimoini ou o cinquillo... entre moitos outros!

SEMANA DO LIBRO

No noso cole foron varias as actividades que levamos a cabo para conmemorar este día:

O luns comezamos a sacar libros para o recreo nos "Bibliocarros", un para o patio de infantil e dous para o de primaria, e agasallámoslle un libro a cada neno/a. 

Aproveitamos este día tan especial para facer amadriñamentos/apadriñamentos lectores na hora de ler, distribuindo ao alumnado en grupos verticais polo exterior do cole.

E como novidade deste ano, propuxemos elaborar catro contos compartidos entre todo os nenos e nenas. Comezaron a escribilos en 1º de primaria e remataron os de 6º, que se encargaron tamén de poñerlles título. O alumnado de educación infantil, despois de escoitar as creacións narrativas, ilustraron cos seus fermosos debuxos todas páxinas. E para rematar a actividade, o venres xuntámonos na pista, e o voluntariado de biblioteca encargouse de ler os contos elaborados ao resto do cole.

RECIBIMOS A VISITA DE PERE TOBARUELA

O pasado xoves recibimos a visita de Pere Tobaruela, autor do libro “Mariña e o balón” que limos o alumnado de 1º e 2º de Educación Primaria.

Primeiro, entre todos e todas recordamos o conto facendo un breve resumo e reflexionando sobre algúns aspectos que acontecían nel como a pouca presenza das nenas en xogos como o fútbol.

Despois tivemos un tempo de preguntas e aí pescudamos que Pere ademais de escritor é adestrador de fútbol feminino algo que sen dúbida o levou a escribir este conto. 
Para rematar asinou os nosos libros!

Grazas Pere por este ratiño tan agradable e por facernos rir tanto.

OBRADOIRO CREATIVO CON BRAZOLINDA

Temos a sorte de estar inmersos no programa de Biblioteca Creativa que ten como un dos seus obxectivos prioritarios ampliar as linguaxes presentes na biblioteca promovendo a expresión oral, a alfabetización múltible, o razoamento lóxico a aprendizaxe manipulativa e, por suposto o xogo, algo ao que este ano lle estamos a dar moitísima importancia xa que é o eixe do noso PDI.

Por isto aproveitamos os pasados 29 e 31 de marzo levamos a cabo ao longo de toda a mañá diversos obradoiros de xogos de mesa organizados por Brazolinda en colaboración co equipo de biblioteca do centro. 

Brazolinda é un proxecto de deseño e fabricación de xogos de mesa en galego. Están deseñados para o xogo conxunto de grandes e pequenos e axudan a desenvolver a capacidade de observación, comunicación, razoamento... a través das adiviñas, as matemáticas ou xogos de agudeza visual, entre outros.

Pasámolo estupendamente!