RECOMENDACIÓNS LECTORAS PARA O VERÁN

Deixámosvos unhas recomendacións lectoras para o verán.

Agardamos que sexan do voso agrado.

CONTOS DE BOCA NO MES DO LIBRO

Esta semana, con motivo da conmemoración do Día do Libro, recibimos a visita dalgunhas familias para compartir con nós un espazo para a lectura e o desfrute dos libros. Neste caso acompañáronnos Lucía, Salva e Diego con tres contos marabillosos: Tengo un volcán, La ovejita que vino a cenar e O libro das sete cores.

Grazas infinitas por vir e compartir estes momentos tan preciados e bonitos que sen dúbida recordarán para sempre e que nos achega un pouco máis ao fermoso mundo dos contos.

CONTOS CON MIGA

O pasado martes tivemos na biblioteca do noso cole unha visita moi especial. Contamos co privilexio de escoitar a Carlos Yus, compoñente de Migallas Teatro.

Esta actividade, integrada no programa de "Lectura e Familias"consistiu en escoitar contos e cancións en familia que nos fixeron pensar sobre cuestións como a solidariedade, o consumismo, os xogos e a lingua.

VISITA DE MARÍA CANOSA

Hoxe, o alumnado de 3º e 4º EP recibiu a visita da escritora María Canosa, autora do libro "Escola de bruxas", libro que estiveron e ler dende a volta das vacacións de Nadal.

María Canosa contoulles o proceso de escritura dun libro, e onde e en que se inspirou para escribir este. Estiveron moi atentos ás súas explicacións.

Despois fixéronlle unha morea de preguntas sobre o libro que ela contestou gozosa. Díxolles que, dado que vía que o libro lles gustara tanto, que cabía a posibilidade dunha segunda parte ou continuación do mesmo. Eles aplaudírona pois queren saber como remata a historia de Mencía, se por fin é quen de ser boa bruxa.

O alumnado entregoulle un pequeno dossier con debuxos feitos por eles mesmos das partes do libro que máis lles gustaron. Ela alegrouse moitísimo, e díxolles que lle encantaba que os nenos e as nenas a fixeran partícipe do traballado cos seus libros.

Rematou asinando o libro de cada un. Ah! e tamén asinou no libro de visitas da nosa biblioteca! 

Quedaron encantados con esta visita, e agardan que non tarde en volver.

 

               

DE BO ROLLO

O xoves 3 de abril o alumnado de 3º de Educación Primaria tivo un obradoiro de sexualidade "De bo rollo" da man de Noelia, no que descubriron moitas cousas: xogaron á oca das familias e aprenderon as diferentes tipoloxías de familia e como, independientemente do tipo de familia, poden ter fillos; coñeceron os nomes das orientacións sexuais e das  e identidades de xénero; fixeron un mural co que lles gusta máis das súas familias...

Participaron de xeito moi activo, e pediron que voltase o curso que vén pois queren aprender máis!!!

  

               



 

8 de Marzo

Coa finalidade de dar visibilidade á desigualdade de xénero que segue existindo na sociedade, participamos na conmemoración do día da MULLER. Este ano quixemos sacar as nosas reivindicacións á rúa realizando un camiño pola igualdade no que nos unimos para demostrar a forza da cooperación para lograr grandes obxectivos como é o da igualdade.

Día de Rosalía

Para festexar o día de Rosalía, queriamos compartir os seus poemas polas distintas prazas do Concello, pero dado que o tempo non nos acompañou, fixémolas na biblioteca do cole. 

Foi moi emotivo ver ás familias vendo a todo o alumnado recitando poemas de Rosalía.

11 de Febreiro. Día da muller e da nena na Ciencia

Durante o  mes de febreiro, conmemoramos o Día da Muller e a Nena na Ciencia. Nesta ocasión, relacionámolo tamén co PDI deste curso, TransformARTE. Decidimos decorar artisticamente unhas cadeiras e investigar en cada curso sobre distintas mulleres científicas, preparando uns breves vídeos ou audios para compartir co resto de compañeiras e compañeiros todo o que aprendemos sobre elas.

Deixámosvos unha pequena mostra.

COMO BUSCAR INFORMACIÓN EN INTERNET?

Este ano elaboramos esta guía sinxela para que todos e todas vós sexades quen de buscar información en internet e para que poidades diferenciar as páxinas fiables das que non o son.

RECOMEDACIÓNS LECTORAS DE NADAL

Estanse achegando as vacacións de Nadal, e coma todos os anos, deixámosvos unhas recomendacións lectoras por se algún neno/a quere un agasallo tan bonito como é un libro.

25N

O pasado 25 de novembro celebramos en colaboración coa FAMPA unha actividade para conmemorar o día internacional contra a violencia de xénero. Este ano a actividade estivo dirixida a tratar o ACOSO NA RÚA. A proposta consistíu en reproducir a iniciativa CHALK BACK, que consiste en escribir con xiz exemplos do que pensan que é o acoso na rúa como reflexión para intentar erradicalo.

NOVEMBRO: MES DA CIENCIA EN GALEGO NAS BIBLIOTECAS ESCOLARES

 Este mes de novembro,  adicamos a nosa biblioteca á ciencia.  Mantivemos as diferentes propostas todo o mes, para que o alumnado puidera desfrutar delas tanto nas horas semanais que acoden á biblioteca, coma nos recreos: experimentos, gafas de realidade virtual, debuxos para ver en realidade aumentada... e todo iso relacionado co PDI deste ano: Transformarte.

Podedes ver unha mostra do que alí se experimentou:

Paralelamente a isto, nas clases de música, mergulláronse nos sons a través de diversos programas onde poder experimentar coa música:

COMEZAMOS COS PROGRAMAS DE RADIO!

 Chegou o mes de Novembro e comezamos co primeiro programa de radio deste ano.

Se ainda non o escoitaches,  so tes que premer no enlace que vos deixamos a continuación.

PROGRAMA DE NOVEMBRO